Will Catlin – “Brenin y Pierotiaid”
Will Catlin – y blynyddoedd cynnar
Cafodd Will Catlin ei eni fel William Henry Fox ym 1871. Roedd yn un o 13 o blant ac yn byw yng Nghaerlŷr. Dechreuodd weithio fel prentis i dorrwr teiliwr (sydd, o bosib, yn esbonio ei ddisgwyliadau uchel o ran gwisgoedd llwyfan yn ddiweddarach yn ystod ei fywyd). Ym 1890, ag yntau’n 20 oed, priododd ag Ada Elizabeth Freer yng Nghaerlŷr. Cawsant 5 merch ac 1 mab.
Roedd Will yn berfformiwr lled-broffesiynol mewn theatrau cerdd ac fel clerwr gwynebddu, ond ym 1894, penderfynodd newid ei enw llwyfan i ‘Catlin’ er mwyn creu teitl mwy bachog a chyflythrennog i’w act ddwbl newydd gyda Charlie Carson – ‘Catlin & Carson’ – yn Scarborough. Roedd yn mwynhau perfformio yno, ac fe sefydlodd ei gwmni pierotiaid cyntaf – Catlin’s Favourite Pierrots – i berfformio ar y traeth ar gyfer tymor yr haf 1894, ag yntau’n 23 oed.
![Tom-Carrick's-Popular-Pierrots](https://seasidefollies.co.uk/wp-content/uploads/2018/08/Tom-Carricks-Popular-Pierrots.jpg)
![Tom-Carrick's-Popular-Pierrots](https://seasidefollies.co.uk/wp-content/uploads/2018/08/Tom-Carricks-Popular-Pierrots.jpg)
Wedi hynny, agorodd ‘Arcadia’ arall ychydig yn is na’r rheilffordd ym Mae Colwyn ym 1909, ac ‘Arcadia’ Llandudno (o hen lawr sglefrio iâ gwag) ym 1915.
![Catlin's Arcadia in Colwyn Bay](https://seasidefollies.co.uk/wp-content/uploads/2018/09/Catlins-Arcadia-in-Colwyn-Bay-web.jpg)
![Catlin's Arcadia in Colwyn Bay](https://seasidefollies.co.uk/wp-content/uploads/2018/09/Catlins-Arcadia-in-Colwyn-Bay-web.jpg)
![Catlin's Arcadia, Llandudno](https://seasidefollies.co.uk/wp-content/uploads/2018/08/Catlins-Arcadia-Llandudno.jpg)
![Catlin's Arcadia, Llandudno](https://seasidefollies.co.uk/wp-content/uploads/2018/08/Catlins-Arcadia-Llandudno.jpg)
Yn ogystal â gwaith tymhorol dros yr haf, cynigiai Catlin sicrwydd anarferol i’w artistiaid yn ffurf cyflogaeth trwy’r flwyddyn, gan deithio trefi mewndirol yn ystod misoedd y gaeaf. Golygai hyn, er y gwaith caled, fod mynd mawr ar gytundebau gwaith â chwmni Catlin, gyda’r canlyniad o fod â gweithlu ffyddlon.
Roedd Catlin yn ddyn sioe ac yn werthwr penigamp, a byddai’n cael ei adnabod gan bawb fel ‘The Guvnor’. Roedd delwedd ei holl gwmnïau yn bwysig iddo – roedd yn rhaid i bob gwisg gael ei olchi a’i wasgu cyn bob perfformiad. Mae ei ferch hynaf yn dwyn i gof adeg pan fyddai hi a’i thair chwaer yn helpu eu tad wrth iddo eistedd, â’r naill goes wedi ei chroesi dros y llall ar fwrdd ystafell fwyta eu cartref (24 Weaponess Valley, Scarborough), yn torri ac yn gwnïo gwisgoedd ei hun tra bod y merched yn gwnïo’r pompomau a’r ryfflau arnynt.
![Catlin's charabanc of pierrots](https://seasidefollies.co.uk/wp-content/uploads/2018/08/Catlins-charabanc-of-pierrots-1024x648.jpg)
![Catlin's charabanc of pierrots](https://seasidefollies.co.uk/wp-content/uploads/2018/08/Catlins-charabanc-of-pierrots-1024x648.jpg)
Roedd yn rhaid i’w bierotiaid gerdded o’u llety i’r traeth yn eu gwisgoedd a’u colur llawn yn ddyddiol, er mwyn dangos esiampl o ymddangosiad cymen ac ymddygiad da. Bob dydd Llun, byddai ei gwmni – yn eu gwisgoedd llawn – yn mynd o amgylch y dref mewn siarabáng neu dram i gyfarch newydd ddyfodiaid ac i hysbysebu eu sioeau.
Cyn 1914, dynion yn unig oedd yn aelodau o gwmnïau Catlin, a chawsant eu gwahardd rhag cael eu gweld yn gyhoeddus gyda chariad neu wraig. Byddai tri perfformiad yn ddyddiol, a phump ar Wyliau Banc. Roeddent yn ymarfer y rhan fwyaf o foreau’r wythnos ac yna’n perfformio am 11, 3 a 7, gyda 2 sioe ychwanegol ar Wyliau Banc! Roedd yn rhaid i bob aelod o’r cwmni yn ei dro fod yn gyfrifol am gasglu arian mewn potel yn ystod y sioe, a byddai disgwyl iddynt hefyd werthu nwyddau megis taflenni caneuon, rhaglenni a chardiau post wedi’r sioe.
![Carolina-Moon-songsheet](https://seasidefollies.co.uk/wp-content/uploads/2018/08/Carolina-Moon-songsheet-web.jpg)
![Carolina-Moon-songsheet](https://seasidefollies.co.uk/wp-content/uploads/2018/08/Carolina-Moon-songsheet-web.jpg)
![A-Catlin-programme-of-repertoire](https://seasidefollies.co.uk/wp-content/uploads/2018/08/A-Catlin-programme-of-repertoire-web-1024x789.jpg)
![A-Catlin-programme-of-repertoire](https://seasidefollies.co.uk/wp-content/uploads/2018/08/A-Catlin-programme-of-repertoire-web-1024x789.jpg)
![Typical-pierrot-songsheet-of-the-1930s](https://seasidefollies.co.uk/wp-content/uploads/2018/08/Typical-pierrot-songsheet-of-the-1930s-web.jpg)
![Typical-pierrot-songsheet-of-the-1930s](https://seasidefollies.co.uk/wp-content/uploads/2018/08/Typical-pierrot-songsheet-of-the-1930s-web.jpg)
![Clifford-Essex-songsheet](https://seasidefollies.co.uk/wp-content/uploads/2018/08/Clifford-Essex-songsheet-1-web.jpg)
![Clifford-Essex-songsheet](https://seasidefollies.co.uk/wp-content/uploads/2018/08/Clifford-Essex-songsheet-1-web.jpg)
Roedd technegau a dull gwerthu caled Catlin yn effeithiol iawn ac yn ystod y ddegawd ddilynol, teithiodd â’i gwmnïau pierotiaid i gyrchfannau ar draws y wlad megis Withernsea, Bae Whitley, Great Yarmouth, Clacton, Bournemouth ac amryw eraill.
![Catlin's troupe Withernsea 1910](https://seasidefollies.co.uk/wp-content/uploads/2018/08/Catlins-troupe-Withernsea-1910-web.jpg)
![Catlin's troupe Withernsea 1910](https://seasidefollies.co.uk/wp-content/uploads/2018/08/Catlins-troupe-Withernsea-1910-web.jpg)
![Catlin's Pierrots Scarborough 1903 notice the striped canvas 'tilt' coloured](https://seasidefollies.co.uk/wp-content/uploads/2018/08/Catlins-Pierrots-scarborough-1903-notice-the-striped-canvas-tilt-coloured-web.jpg)
![Catlin's Pierrots Scarborough 1903 notice the striped canvas 'tilt' coloured](https://seasidefollies.co.uk/wp-content/uploads/2018/08/Catlins-Pierrots-scarborough-1903-notice-the-striped-canvas-tilt-coloured-web.jpg)
Will Catlin – Gogledd Cymru
Crybwyllir cwmni Catlin yn perfformio yn Llandudno am y tro cyntaf ym 1907. Erbyn 1908 roedd Catlin yn defnyddio’r enw ‘Royal Pierrots’ i hyrwyddo ei gwmni yn dilyn perfformiadau brenhinol o flaen Tywysog Cymru ac ym 1911, derbyniodd ei bierotiaid ym Mae Colwyn orchymyn i roi perfformiad brenhinol yng Nghastell Rhuthun. Daethant yn gynyddol lwyddiannus a phoblogaidd. Yn wir, ym 1909, gwnaeth y North Wales Weekly News sylw i’r perwyl na fyddai ymweliad â Gogledd Cymru yn gyflawn heb ymweliad â Catlin’s.![Ventriloquist-in-Catlin's-Colwyn-Bay-troupe](https://seasidefollies.co.uk/wp-content/uploads/2018/08/Ventriloquist-in-Catlins-Colwyn-Bay-troupe-web-345x600.jpg)
![Ventriloquist-in-Catlin's-Colwyn-Bay-troupe](https://seasidefollies.co.uk/wp-content/uploads/2018/08/Ventriloquist-in-Catlins-Colwyn-Bay-troupe-web-345x600.jpg)
Ond bu effaith y Rhyfel Byd Cyntaf ar deyrnas Catlin yn un ddofn – rhoddwyd terfyn ar drenau pleserdeithiau, a chai mwynhad teuluoedd ar y traeth ei rwystro gan faricedau o weiren bigog. Un dydd Sadwrn ym Mehefin 1915, ymyrrwyd ar y sioe ym Mae Colwyn gan filwyr a oedd yn aros yn lleol. Gwaeddai’r milwyr am gael gwybod pam nad oedd y pierotiaid am ymuno â’r fyddin, gan daflu tyweirch o bridd a darnau o bren. Ychydig ddyddiau’n ddiweddarach, ymgasglodd 4000 o filwyr a 3000 o ddinasyddion gan orchymyn yn flin i‘r holl ddiddanwyr pierot gofrestru yn y fyddin ar unwaith. Wedi peth trafodaeth, daeth yn amlwg mai un person yn unig o gwmni Catlin oedd yn gymwys i’r fyddin, a gorfodwyd i’r unigolyn hwnnw gofrestru – roedd pob aelod arall naill ai yn rhy hen neu yn rhy anheini!
Wedi’r digwyddiad yma, peidiodd Catlin â chynnal cynyrchiadau nes y Cadoediad ym 1918. Ym 1920, ymddeolodd o berfformio ond parhaodd i oruchwylio sioeau pierot Catlin yn Scarborough, Bae Colwyn, Yarmouth, Llandudno a nifer o leoliadau eraill.
![Catlin's Pierrots, Llandudno 1920](https://seasidefollies.co.uk/wp-content/uploads/2018/08/Catlins-Llandudno-1920.jpg)
![Catlin's Pierrots, Llandudno 1920](https://seasidefollies.co.uk/wp-content/uploads/2018/08/Catlins-Llandudno-1920.jpg)
Yn yr un modd â nifer o impresari glan môr eraill, dechreuodd ei sioeau gefnu ar wisgoedd arddullaidd y cwmnïau pierot yn ystod y blynyddoedd rhwng y ddau ryfel byd, gan gynyddol esblygu i gyfeiriad cynyrchiadau partïon theatraidd. Parhaodd y sioeau yn boblogaidd ymysg rhai o bob oedran, ac roedd slogan Catlin yn yr 1920au yn cyfateb i’r canlynol: “Canu Da, Dawnsio Da, Jôcs Da, Sioe Dda.”
Ym 1932, cyflwynodd Catlin yr ‘Evening Follies’ a ystyriwyd fel “champagne” adloniant modern. Â hwythau o hyd ar flaen y gad mewn datblygiadau adloniant, cafwyd darllediad byw o’r ‘Evening Follies’ o Arcadia Llandudno gan y BBC ar ddydd Gwener, Gorffennaf 20 1934.
![Catlin-Follies-Programme](https://seasidefollies.co.uk/wp-content/uploads/2018/08/Catlin-Follies-Programme-web-440x600.jpg)
![Catlin-Follies-Programme](https://seasidefollies.co.uk/wp-content/uploads/2018/08/Catlin-Follies-Programme-web-440x600.jpg)
Ym 1940, symudodd Will Catlin o gartref ei ‘ymddeoliad’ yn Reading i fyw yn Llandudno, lle y byddai’n parhau i gyfarch ei gynulleidfaoedd o flaen theatr Arcadia mewn siwt drwsiadus a het a chyda sigâr yn ei law. Ym 1949 priododd â’i ail wraig – Doris Anderson. Cawsant ddwy ferch â’i gilydd.
![Will-Catlin-seaside-pierrot-impresario](https://seasidefollies.co.uk/wp-content/uploads/2018/08/Will-Catlin-seaside-pierrot-impresario-web.jpg)
![Will-Catlin-seaside-pierrot-impresario](https://seasidefollies.co.uk/wp-content/uploads/2018/08/Will-Catlin-seaside-pierrot-impresario-web.jpg)
Ar 15 Ionawr 1953, gadawodd Will Catlin ei gartref yn Lladudno yng nghwmni Doris i wylio ‘Catlin’s Follies’ yn ymarfer yn yr Arcadia, ond disgynnodd yn farw yn ei gar y tu allan i’r lleoliad yn 85 oed. Ef yw un o’r mwyaf dylanwadol o’r holl entrepreneuriaid pierotiaid a phartïon theatraidd, gyda’i gyfraniad i’r ffurf bwysig hon ym myd adloniant boblogaidd yr ugeinfed ganrif yn ail i neb. Y mae wedi ei gladdu ym mynwent Llandrillo (oddi ar Ffordd Dinerth). Gosodwyd het pierot o flodau gwyn ar ei arch ynghyd â cherdyn ac arno’r geiriau – “King of the Pierrots’ final curtain…”
![Will-Catlin's-gravestone](https://seasidefollies.co.uk/wp-content/uploads/2018/08/rhos_gravestone_will_catlin.jpg)
![Will-Catlin's-gravestone](https://seasidefollies.co.uk/wp-content/uploads/2018/08/rhos_gravestone_will_catlin.jpg)
![](https://seasidefollies.co.uk/wp-content/uploads/2018/09/line-of-hats-1400-wide-Grey.jpg)
![](https://seasidefollies.co.uk/wp-content/uploads/2018/09/line-of-hats-1400-wide-Grey.jpg)